நானும் நிலாவும் உலக சிக்கன் தினமும்

ஆன்ட்டி நாளைக்கு(oct 30) world chicken day. எனக்கு நாளைக்கு ஃபுல்டே  chicken fried rice, fried chicken..manchurian.   இன்னும் என்னல்லாம் வெரைட்டி உங்களுக்குத் தெரியுமோ அதெல்லாம் வேணும். சமைச்சு வைஙக.. இல்லைனா ஹோட்டல்ல வாங்கியாவது வைங்க.

என்னது chicken day வா? டேய் நிலா குட்டி நில்லு. யார்  உன்கிட்ட  அப்படி சொன்னாங்க?

போய் நியூஸ் பேப்பரைப் பாருங்க... உலக சிக்கன் தினம் oct 30னு நம்ம CM சொல்லியிருக்காரு.

அம்மா...தாயே...மகராசி... அது chicken தினம் இல்லை.. உலக சிக்கன தினம்.

சிக்கன தினமா! அப்படின்னா??

அப்படின்னா world thrift day.
ஓ... theft day va...

ஷ்ஷ்ப்பா..அது theft இல்லடி... thrift...
World savings day.
சிக்கனமா செலவு பண்ணணும்கிறத குறிக்கறதுக்குத்தான் இந்த நாள்.அதன் மூலமா savings அதிகமாகும்.
1924 oct 31ம் தேதி இத்தாலி, milano ல நடந்த வங்கிகளின் உலக மாநாட்டுல இந்த மாதிரி ஒரு தினம் கடைப்பிடிக்கணும்னு Fillipo Raviza ங்கற பங்கேற்பாளரோட எண்ணம் தான் இந்த தினமா உருவெடுத்தது.

அததை 30ஆ, 31 ஆ ஒழுங்கா சொல்லுங்க.

31 ல தான் ஆரம்பிச்சாங்க. சேமிப்புக்கு முக்கியம் பேங்க்.அந்த நாள் விடுமுறையா இருக்க சில நாடுகள் 30ம் தேதியே கொண்டாடினாங்க. இந்தியால 1984ம் வருஷம் oct 31 இந்திரா காநதி சுடப்பட்டதால நாம oct 30க்கு மாறிட்டோம்.

எதுக்கத்த கஞ்சத்தனமா இருக்கணும்.அப்பா நாம ஜாலியா இருக்கறதுக்குத்தானே சம்பாதிக்கறாங்க?

சிக்கனம் வேற... கஞ்சத்தனம் வேறடா குட்டி..

உன்க்கு ஆசையா இருக்குனு ஒரு டெய்ரிமில்க் மட்டும் வாங்கறது சிக்கனம்.அதுவே காசு மிச்சம் பிடிக்கறேன்னு உனக்கு வாங்கியே குடுக்காம விடறது கஞ்சத்தனம். ஒரே நேரத்துல 3, 4 வாங்கி சாப்பாட்டுககு பதிலா அதையே சாப்டும் தீராம ... பல வாரமா...ப்ரிட்ஜ்ல போட்டு வச்சிருக்கியே அது ஊதாரித்தனம்.
திருவள்ளுவர் கூட " ஆகாறு அளவிட்டிதாயினும் கேடில்லை, போகாறு அகலாக்கடை" அதாவது எவ்வளோ கம்மியா சம்பாதிச்சாலும் செலவு ஊதாரித்தனமா பண்ணாம இருந்தா நமக்கு கவலையில்லைனு அப்படினு  சொல்லியிருக்காரு.
எந்த ஒரு செலவையும் செய்யும் முன்னாடி இது அவசியமா? இந்த செலவை செய்யாம தவிர்க்கவோ, இதையே குறைவாவோ பண்ண முடியுமான்னு யோசிச்சி அது படி நடந்துக்கறதுதான் சிக்கனம். இது பணத்துக்கு மட்டுமில்ல... தண்ணீர், பெட்ரோல் இதுக்கெல்லாம் கூட பொருந்தும்.
நாங்கல்லாம் அப்பப்போ குடுக்கற காசை நீ என்ன பண்றே?

Swiggyல ஆர்டர் பண்ணி சாப்பிடுவேன். amazon ல toys வாங்குவேன்.

ம்ம்... அப்போ அந்த காசு உடனே உன் கைய விட்டு போயிடுது.நாங்கல்லாம் ஸ்கூல் படிக்கும்போது சஞ்சாயிகா னு ஒரு ஸ்கீம் இருந்துது. அதுக்குனு இன்சார்ஜ் ஒரு மிஸ் இருப்பாங்க  .அவங்ககிட்ட போயி நம்ம்கிட்ட இருக்க காசெல்லாம் அப்பப்போ குடுத்தம்ன்னா நமக்கு  ஒரு பாஸ்புக் குடுத்து அதுல எனட்ரி போட்டு தருவாங்க. அப்படியே வருசக்கணக்குல சேரத்து வச்சு கடைசில ஆயிரக்கணக்குல கூட பணம் வரும். அந்த வயசுல ஆயிரக்கணக்குல பணம் அக்கவுண்டுல இருக்கறதே ஒரு த்ரில்.

நான் பேங்க்ல child account வச்சிருக்கறனே..அப்படியா ஆன்ட்டி..

ஆமடா.. concept அதேதான். ஆனால் நீ அதுல வச்சிருக்க பணம் எல்லாம் எங்க கழுத்துல கத்திய வச்சி வாங்கறியே..
உன் அக்கவுண்ட்ல பணம் போட நீ சிக்கனமா  இருக்காம, ஐயோ..புள்ள கேப்பாளே, குடுக்கணுமேனு பயந்து நாங்கல்லாம் சிக்கனமா இருக்க வேண்டி இருக்கு.அதனால இனிமே நீ என்ன பண்றேன்னா............

ஒண்ணும் பண்ணல.நோ அட்வைஸ்.....ஸ்கூலுக்கு டைம் ஆச்சு. நானும் சஞ்சாயிகால சேரப் போறேன். அதுக்கு காசு வேணும். உங்க பர்ஸ் எங்க?🤔

டேய்..ஓடாத...நில்லுடா... சஞ்சாயிகாலாம் 2016ல யே ஊத்தி மூடிட்டாங்க.
நீ இதுதான் சான்ஸ்னு என் ப்ர்ஸ்க்கு வெயிட் ரிடக்ஷன் தெரபி பண்ணாம கெளம்பு...