க‌விதை மாதிரி..

அதிகாலைச் சூரியனே
நட்சத்திரப் போர்வையை பத்திரமாய் மடித்துவை
எங்கள் ஓட்டைக் குடிசை குழந்தைகளுக்கு
வாய்த்த அழகிய கிலுகிலுப்பை அது

********************************************************************

மனமெனும் கடலில்
உன் நினைவெனும்
ஆயிரம் நட்சத்திரங்கள்..
கரையோரத்தில் நான்
அவை வானின் பிரதிபலிப்புகள்
எனும் உண்மை அறியாமல்


.

அநாகரிகம்

அடுத்த கண்டத்தின் அடக்கு முறைகளுக்கு
ஆவேசப்பட்டாலும்

காணாத் தொலைவிலிருக்கும் என்
இனத்தவன் கொடுமைக்குத் துடித்தாலும்

வேறொரு மாநில வேங்கைகளுக்குப்
பலியான மனிதனுக்கு அக்கறைப்பட்டாலும்

சமூக அக்கறையாக பார்க்கப்படும்
என் ஆத்திரம் அண்டை வீட்டு
ஆணுக்கு ஆதரவாக‌ வரும்போது
மட்டும் அநாகரிகமாகிறது

.

மூனு ரெண்டு ஒன்னு....

அசல் இங்கே இருக்கு.. இது நகல் மட்டுமே

எல்லா உணவுப் பண்டங்களிலும்
யாரோ ஒருவரின் பசி
ஒளிந்துதான் கிடக்கிறது
சிலசமயம் அவர் அறிந்து
பலசமயம் அறியாமல்
__________________________________________________________________


பசித்திருப்பதின்
அவஸ்தைகளை அளக்க
கருவிகளும் இல்லை
கற்பனையிலும் முடிவதில்லை
பசித்திருத்தலில் மட்டுமே
அறிய முடிகிறது
_________________________________________________________________
யாரோ செய்துபார்த்த
ஏதோ ஒரு கைமணம்
எல்லா உணவிலும்
கரண்டி நீட்டிப் படுத்திருக்கிறது
தீய‌வைப்பதோ
வேகாமல் எடுப்பதோ
உப்புக்கரிப்பதோ
சப்பென இருப்பதோ
சமையல்காரர் மூடைப்பொருத்து


.

கணக்கு சொல்லித்தரேன்..வாங்க..Part 3

கணக்கு சொல்லித்தரேன்னு ஒரு தொடர் ஆரம்பிச்சேன்..சில பல காரணங்களால் அது அப்படியே நின்னு போச்சு..அதைத் திரும்பவும் ஆரம்பிக்கப் போறேன்..

கணக்கு கசக்கறவங்க எல்லாம் அப்படியே ஒரு அட்டன்டன்ஸ் போட்டுட்டு ஓடிப் போயிருங்க..
நான் சொல்லப் போறதெல்லாம் ரொம்ப அடிப்படையான எளிதான கணித வழிமுறைகள் தான்.. ரொம்ப நல்லா கண்க்குத் தெரிஞ்சவங்க படிச்சுட்டு இவ்ளோ சிம்பிள் கணக்குக்கு போஸ்ட் போட்டிருக்கேனேன்னு ஃபீல் பண்ணி அழுவக்கூடாது

ஒரு எண் வேற சில எண்களால் வகுபடுமான்னு கண்டுபிடிக்க எளிய சில வழிமுறைகள்

2 ஆல் வகுபடும் தன்மை

ஒரு எண்ணின கடைசி ஸ்தானம் 2 ஆல் வகுபட்டால் அந்த எண் இரண்டால் வகுபடும்
உதாரணமாக 346
6 , 2 ஆல் வகுபடும். அதனால் 346 ஆல் வகுபடும்.
(0,2,4,6,8)இவற்றில் முடியும் எண்கள் 2 ஆல் வகுபடும்

3 ஆல் வகுபடல்

ஒரு எண்ணின் இலக்கங்களின் கூட்டுத்தொகை 3 ஆல் வகுபட்டால் அந்த எண் 3 ஆல் வகுபடும்
உதாரணமாக 453

4+5+3=12 12 3 ஆல் வகுபடும்.அதனால் 453 3 ஆல் வகுபடும்

4ஆல் வகுபடல்

ஒரு எண்ணின் கடைசி 2 இலக்கங்கள் 4 ஆல் மீதியின்றி வகுபட்டால் அந்த எண் 4 ஆல் வகுபடும்

உதாரணமாக 3465624
கடைசி 2 இலக்கங்கள் 24. இது 4 ஆல் மீதியின்றி வகுபடும்.
3465624 என்னும் எண் 4 ஆல் மீதியின்றி வகுபடும்

5ஆல் வகுபடல்

ஒரு எண் 0 அல்லது 5 ல் முடிந்தால் அந்த எண் 5 ஆல் வகுபடும்.

6 ஆல் வகுபடல்

2ஆலும் 3 ஆலும் மீதமின்றி வகுப‌டும் எண்கள் 6ஆல் மீதமின்றி வகுபடும்

7 ஆல் வகுபடும் தன்மை

எண்ணின் கடைசி இலக்கத்தை இரண்டால் பெருக்கி அதனை கடைசி இலக்கம் தவிர்த்த எண்ணிலிருந்து கழிக்கவும்.
கிடைக்கும் விடை 7 ஆல் வகுபட்டால் அந்த எண் 7ஆல் வகுபடும்
உதாரணமாக 868
86‍ (8 *2) =70
868 7ஆல் வகுபடும்..
பெரிய எண்களுக்கு இதே வழிமுறையை பல முறை பின்பற்றிச் சிறிய எண்ணாக்கி பின்னர் வகுபடலைக் காணலாம்.

8ஆல் வகுபடும் தன்மை

எண்ணின் கடைசி மூன்று இலக்கங்கள் 8ஆல் மீதமின்றி வகுபட்டால் அந்த எண்ணும் மீதமின்றி வகுபடும்

9ஆல் வகுபடும் தன்மை
எண்ணின் இலக்கங்களின் கூடுதல் 9ஆல் வகுபட்டால் அந்த எண் 9 ஆல் வகுபடும்

11ஆல் வகுபடல்

ஒரு எண் 11 ஆல் மீதமின்றி வகுபடுமா என அறிய‌


x=அந்த எண்ணின் ஒன்று ஸ்தானத்திலிருந்து,ஒற்றைப் படை ஸ்தானங்களின் இலக்கங்களின் கூடுதல்‍ ‍‍‍‍
y=அந்த எண்ணின் ஒன்று ஸ்தானத்திலிருந்து,இரட்டைப் படை ஸ்தானங்களின் இலக்கங்களின் கூடுதல்‍ ‍‍‍‍
X-Y 11ஆல் வகுபட்டால் அந்த எண் 11 ஆல் வகுபடும்
உதாரணமாக 256729

9+7+5 =21
2+6+2 =10
21-10 =11
இந்த எண் 11 ஆல் வகுபடும்

12 ஆல் வகுபடல்
4 மற்றும் 3 ஆல் வகுபடும் எண்கள் 12 ஆல் வகுபடும்

13 ஆல் வகுபடல்
எண்ணின் கடைசி இலக்கத்தை 4 ஆல் பெருக்கி கடைசி இலக்கம் தவிர்த்த எண்ணுடன் கூட்டவும். வரும் விடை 13 ஆல் வகுபட்டால், அந்த எண் 13 ஆல் வகுபடும்
உதாரணமாக 18967
1896+28 =1924
192+16 = 208
20+32 =52
52 13 ஆல் மீதியின்றி வகுபடும்

18967 என்னும் எண் 13 ஆல் மீதியின்றி வகுபடும்



14 ஆல் வகுபடல்7 மற்றும் 2 ஆல் வகுபடும் எண்கள் 14 ஆல் வகுபடும்

15 ஆல் வகுபடல்


3 மற்றும் 5 ஆல் வகுபடும் எண்கள் 15 ஆல் வகுபடும்

16 ஆல் வகுபடல்
8 மற்றும் 2 ஆல் வகுபடும் எண்கள் 16 ஆல் வகுபடும்

17 ஆல் வகுபடல்
எண்ணின் கடைசி இலக்கத்தை 5 ஆல் பெருக்கி கடைசி இலக்கம் தவிர்த்த எண்ணிலிருந்து கழிக்கவும். வரும் விடை 17 ஆல் வகுபட்டால், அந்த எண் 17 ஆல் வகுபடும்
உதாரணமாக 2975
297‍ 25 =272
27 10 = 17

17, 17 ஆல் மீதியின்றி வகுபடும்
2975 என்னும் எண் 17 ஆல் மீதியின்றி வகுபடும்

18 ஆல் வகுபடல்9 மற்றும் 2 ஆல் மீதமின்றி வகுபடும் அனைத்து எண்களும் 18ஆல் மீதமின்றி வகுபடும்

19 ஆல் வகுபடல்
எண்ணின் கடைசி இலக்கத்தை 2 ஆல் பெருக்கி கடைசி இலக்கம் தவிர்த்த எண்ணுடன் கூட்டவும். வரும் விடை 19 ஆல் வகுபட்டால், அந்த எண் 19 ஆல் வகுபடும்
உதாரணமாக 27702
2770+4 =2774
277+8 = 285
28+10 =38
38 19 ஆல் மீதியின்றி வகுபடும்
27702 19 ஆல் மீதமின்றி வகுபடும்

20 ஆல் வகுபடல்

10 மற்றும் 2 ஆல் வகுபடும் அனைத்து எண்களும் 20 ஆல் வகுபடும்


அல்லோ என்ன யாரும் சவுண்டே காணோம்
என்ன மக்களே.. தூக்கம் வந்துருச்சா.. ம்ம்..எழுந்துக்கோங்க.. கிளாஸ் முடிஞ்சு போச்சு..

அப்புறமா வந்து பாக்கறேன்..
இப்போதைக்கு பை பை


.

ச்சும்மா ஒரு கடிதம்.. படிச்சுட்டு திட்டக்கூடாது

ச்சும்மா ஒரு கடிதம்.. படிச்சுட்டு திட்டக்கூடாது

மாமா நலம் நலமறிய ஆவல்.

இந்த ஒரு வரி இந்தக் கடிதம்க்கு தேவையில்லைன்னு நினைக்கிறேன்.ஏன்னா நீங்க நல்லா இருப்பீங்கன்னு எனக்குத் தெரியும். நான் எப்படி இருக்கேன்னு உங்களுக்கு நல்லாவே தெரியும்.

உங்களின் ஒவ்வோரு செயலும்,சொல்லும் எனக்கு கத்துக் குடுத்தது நிறைய. நீங்க சொல்லித்தர கூட இல்லாத நேரங்களில் கூட இந்த மாதிரி சூழ்நிலைல நீங்க கூட இருந்தா என்ன முடிவு சொல்வீங்கன்னு யோசனை பண்ணிதான் நான் நெறைய முடிவு எடுத்து இருக்கேன்.அப்படி முடிவெடுத்த விஷயங்கள் எதுலயும் நான் தோத்ததில்லை

மாமா.. நீங்க எப்போவும் சொல்வீங்களே.. " நீ சித்தார்த்தன் மாதிரி.. வாழ்க்கைல உனக்குத் தெரியாத விஷயங்கள்,கஷ்டங்கள், எவ்ளவோ இருக்கு..அதெல்லாம் தெரியும்போது உனக்கு என்னோட வார்த்தைகளின்,செயல்களின் அர்த்தம் புரியும்..என் நிலைல இருந்தா நீயும் அப்படிதான் நடந்துக்குவே"அப்படின்னு..

உங்களப் பிரிஞ்ச இந்த 11 வருஷத்துல அந்த மாதிரி நெறைய விஷயங்கள் கடந்திருக்கேன்..கத்துக்கிட்டிருக்கேன். ஆனாலும் நீங்க எனக்குப் புரியாத புதிராத்தான் இன்னிக்கும் இருக்கீங்க.. உங்களோட புகைப்படங்களையோ, காணொளிகளையோ,உறவுகள் உங்களைப் பற்றிப் பேசும் புரணிகளையும்,உங்களக் குறை சொன்னா என்னோட பதில் எப்படி இருக்குன்னு செக் பண்றதுக்குன்னே உண்டாக்கப்பட்ட சூழ்நிலைகளையும் புன்னகையுடன் கடக்கும் அளவுக்கு நான் தயாராகிட்டேன்.ஆனாலும் உங்களை நேருக்கு நேராகப் பார்க்கும் போதும் யாரோன்னு உண்ர்ச்சியற்ற வெற்றுப் பார்வையை வீசுமளவுக்கு நான் பக்குவப்படவில்லை.. நிச்சயமாய் எனக்குத் தெரியும் ..அது இறுதி மூச்சு வரை என்னால் முடியக் கூடிய விஷயமல்ல.


உனக்கு இதுதான் சந்தோஷம்ன்னு சொல்லிச் சொல்லியே நிறைய சோகங்களைத் தந்துருக்கீங்க மாமா..அதுல ஒண்ணு உங்க பிரிவு.. எதிர்கால வாழ்க்கைக்குச் சந்தோஷம்ன்னு சொல்லி இன்னிக்கு நிமிஷத்தை நரகமாக்கிட்டிருக்கேன் நான்..

ப்ளீஸ் மாமா.. இதுக்கும் மேலயும் என்னால பொறுக்க முடியாது.. "எங்க வீட்டு ராஜகுமாரி..எங்க குலதெய்வம்" ன்னு பெருமிதப்படுவீங்களே அந்தத் திரு மாமா எனக்கு வேணும்..

எவ்ளோ கஷ்டமான பிரச்சினைகளுக்கு நடுவுல இருந்தப்போவும் என்கிட்ட மட்டும் சந்தோஷ முகத்தை மட்டுமே காட்டும் என் திரு மாமா எனக்கு வேணும்.

மாமா எனக்கு போதி மரமும் வேணாம்.. நான் புத்தராகவும் வேணாம்.. உங்களோட பாசத்துக்குரிய செல்லமா மட்டும் இருந்தா போதும்.. நாம பேசிக்கறதால வர்ற பிரச்சினைகளைத் தாங்கிக்கிற தெம்பு எனக்கு இப்போ இருக்கு மாமா..ஆனால் உங்கள அடையாளம் தெரியாத மாதிரி கடந்து போகற தெளிவுதான் இல்லை.

ப்ளீஸ் மாமா... என்னைப் பார்க்க வருவீங்களா? முன்ன மாதிரி என் கூடப் பேசுவீங்களா? :‍(


.