ஏன் இந்த‌ மாற்ற‌ம் என்னுள்ளே:‍)

நேற்று வ‌ரை அம்மாவின் க‌த்த‌லுக்கு
எட்டு ம‌ணிக்கும் அசையாத‌ என் தூக்கம்
இன்று ம‌ட்டும் அதிகாலையிலேயே
வில‌கி ஓடிய‌து எப்ப‌டி?

நேற்று வ‌ரை துவைக்காத‌ ஜீன்ஸையே
என் ஆடையாய் தேர்ந்தெடுத்த‌ என் ம‌ன‌ம்
இன்று ம‌ட்டும் ம‌டிப்பு க‌லையாத‌
ஃபார்ம‌ல்ஸை(formals) தேடுவ‌து ஏன்?

நேற்று வ‌ரை பேருந்து நிறுத்த‌த்தைக் க‌ட‌ந்த‌பின்
துர‌த்திச் சென்று தாவி ஏறும் என் கால்க‌ள்
இன்று ம‌ட்டும் அரைமணி முன்ன‌தாக‌வே
நிறுத்த‌த்தில் காத்திருப்ப‌து யாருக்கு?

நேற்று வ‌ரை புத்த‌க‌த்தின் வாச‌னையையே
தேர்வு நேர‌ங்க‌ளில் ம‌ட்டும் நுக‌ர்ந்த‌ என் நாசி
இன்று ம‌ட்டும் புத்த‌க‌க் காற்றையே
மூச்சுக் காற்றாய் கொண்ட‌து எத‌னால்?

நேற்று வ‌ரை க‌ல்லூரி வ‌ருவ‌து எதிர்ப்புற‌ ம‌க‌ளிர் க‌ல்லூரியை
க‌ண்காணிக்க‌த்தான் என்றிருந்த‌ என் க‌ண்க‌ள்
இன்று ம‌ட்டும் அக் க‌ல்லூரி ப‌க்க‌மே
திரும்ப‌ ம‌றுப்ப‌து ஏன்?


விடை தெரியா வினாக்க‌ள் இதேபோல் நீள‌,
உன்னைக் க‌ண்டேன்..ம‌கிழ்ந்தேன்..
என் மாற்ற‌ங்க‌ளின் ம‌ர்ம‌ம் கேட்டேன்...
நீ சொன்னாய்..
தோழா ...இன்று நீ புதிதாய் பெற்ற‌ ஒன்றுதான் இத‌ற்கான‌ கார‌ண‌ம்..என‌ச் சிரித்தாய்



ஆம்.. நேற்று வ‌ரை நீ க‌ல்லூரியின் மாண‌வ‌ன்..
இன்று அதே க‌ல்லூரியின் ஆசிரிய‌ன்
உண‌ர்ந்தேன்.மாற்ற‌ங்க‌ளால் நிறைந்தேன்:-)

.